Денсаулық сақтау министрлігі мемлекеттік қызметкерлердің сақтандырылмауы туралы ақпаратты жоққа шығарады
Асқар Мамин, Алексей Цой, Бақытжан Сағынтаев және Асқар Көлгінов МӘМС жүйесінде сақтандырылған
Әлеуметтік медициналық сақтандыру қорының нақтылауынша, қазақстандықтар SaqtandyryBot Telegram-ботының көмегімен, fms.kz ӘМСҚ ресми сайтында, бірқатар денсаулық сақтау басқармаларының бас беттерінде, сондай-ақ электрондық үкімет сайтында «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат беру» қызметі арқылы өздерінің сақтандыру мәртебесін тексере алады.
«Сақтандыру мәртебесі туралы ақпарат берудің барлық каналдары штаттық режимде жұмыс істейді. Біз Премьер-министр Асқар Маминнің, Денсаулық сақтау министрі Алексей Цойдың, Нұр-Сұлтан қаласының әкімі Алтай Көлгіновтің және Алматы қаласының әкімі Бақытжан Сағынтаевтың мәртебелерін тексердік – олардың барлығы сақтандырылған. Яғни, әлеуметтік желілерде ұсынылған скриндер шындыққа жанаспайды. Сонымен қатар, олар ресми ӘМСҚ ресми плагинінің сыртқы көрінісіне сәйкес келмейді, боттарға міндетті тексеру жоқ. Кескін қиылған, сондықтан деректерді тексеріп, бұл суреттердің рас екендігін анықтап, ӘМСҚ ақпараттық жүйелерінде ақаулардың орын алғандығын білу үшін скриннің қай интернет-ресурста түсірілгенін анықтауға мүмкіндік жоқ», – деп атап өтті Қордағылар.
Сақтандыру мәртебесін тексеру үшін жоғарыда аталған сервистерді пайдалануды ұсынамыз.
